NOVAS

"Obradoiro de Artesanía" é unha publicación especializada que se realiza a través da Fundación Centro Galego da Artesanía e do Deseño e que se distribúe en galego e en inglés entre artesáns, tendas adheridas á marca, centros de ensino, institucións relacionadas co sector e establecementos turísticos de toda Galicia.

A directora xeral de Comercio, Nava Castro Domínguez, destacou que o novo sitio www.obradoirodeartesania.com permitirá un acceso masivo de todos os interesados a esta publicación especializada en artesanía ao tempo que demostra a forte aposta da Consellería de Economía e Industria pola divulgación do sector artesanal galego.

No acto de inauguración desta mostra participou a xerente da Fundación Centro Galego da Artesanía e do Deseño, en representación da Consellería de Economía e Industria.

Nesta feira de venda directa participaron arredor de corenta expositores, entre os que se atopaban oito artesáns especializados en diferentes eidos: o téxtil, a ourivería, os instrumentos musicais tradicionais, a metalistería ou a cerámica.

A xerente da Fundación Centro Galego da Artesanía e do Deseño participou, en representación da Consellería de Economía e Industria, no acto de inauguración deste encontro que terá lugar ata o vindeiro 14 de xuño.

A Consellería faise cargo do 70% do orzamento total deste evento, que se celebrará en Muros do 9 ao 12 de xullo, a través dun convenio de colaboración asinado coa Federación Galega pola Cultura Marítima e Fluvial.

A directora xeral de Comercio, Nava Castro Domínguez, destacou a importancia da carpintería de ribeira no mantemento e na recuperación das embarcacións tradicionais, así como no desenvolvemento dun sector con excelentes perspectivas de futuro grazas ás novas tecnoloxías e aos novos usos.

Durante a súa intervención, Nava Castro Domínguez, explicou que a segunda edición desta exposición itinerante ofrece "unha ollada diferente no sector da tornería, unha oportunidade única para impulsar a liberdade creativa dos torneiros e un espazo onde calquera deseño sexa posible a través das técnicas do torneado artesanal da madeira".

A mostra é unha escolma de 56 pezas elaboradas por 32 artesáns que participaron no VIII Encontro de Torneiros, celebrado en Xermade en setembro de 2008 e impulsado pola Consellería de Economía e Industria a través da Dirección Xeral de Comercio e da Fundación Centro Galego da Artesanía e do Deseño.

A Consellería de Economía e Industria, a través da Fundación Centro Galego da Artesanía e do Deseño, impulsa a exposición "Contornos", así coma un catálogo homónimo de fotografías, que amosan o traballo de 32 artesáns que participaron no Encontro de Torneiros de 2008.

O Centro de Interpretación do Castro de Baroña acolle esta mostra itinerante entre o 3 de xuño e o 5 de xullo, e ao longo do ano 2009 pasará polas localidades de Cambados, Viveiro e Xermade.

A revista funciona como unha vía de comunicación entre o sector e as iniciativas que se están a impulsar dende a Consellería de Economía e Industria a través da Dirección Xeral de Comercio e da Fundación Centro Galego da Artesanía e do Deseño.

Este novo número introduce como novidade a posibilidade de consultar cada un dos apartados da revista a través dun espacio web propio ao que se accederá en www.artesaniadegalicia.org.

A divulgación desta publicación multiplica as posibilidades dos artesáns de coñecer os traballos que se levan a cabo en Galicia e conectar ao sector con outros eidos culturais.

A Fundación Centro Galego da Artesanía e do Deseño organiza 23 cursos de formación especializada no encaixe, no téxtil, no coiro, no deseño, no esmalte, no marketing, na caligrafía, no gravado e na madeira, que se celebrarán en diferentes localidades galegas.

As inscricións nestas actividades son gratuítas pero as prazas están limitadas, polo que é necesario que os interesados en participar realicen a inscrición a través da páxina web www.artesaniadegalicia.org.

O segundo semestre inaugúrase co curso "Encaixe de Gorizia: entre a tradición e a innovación", que se celebrará nas Pontes entre o 29 de xuño e o 3 de xullo e estará impartido pola profesional italiana María Bissacco.